Lesakako Albistur karrikan egindako grabaketa, Corpus Christi eguneko ospakizunen prozesio kristauaren egunean. Herriko musika bandak, herriko agintari, erlijiogizon eta bertze zenbait herritarrekin batera espreski loreztatutako herriko karriketan barrena zabaltzen du prozesioaren oihartzuna Tours-eko San Martin elizarako bidean. Elizako ezkilek ere ez-ohiko joaldia egiten dute prozesioaren aitzakian. Musika Bandak Jose Blancok konposatu eta Emilio Cebrianek instrumentatutako Triunfal martxa jotzen du, herri askotan egun honekin (eta aste santuan) egin ohi den bezala.
Xabier Erkizia
2011-06-26
euskara, gaztelera, ahotsa, erlijioa, nafarroa, pausoak, ospakizuna, kanpaiak, musika, ezkilak - kanpaiak, kristautasuna