Iturria: Biba, biba Frantzia (1919)
Jean Barbier (1875-1931)
(…) Eta hor, bet-betan
eliza dorrean
ezkila zalapartan!
Ene bularretan
bihotza saltokan
zapart egitekotan!
Orduan berean
alderdi orotan
Eskual Herri guzian
Frantzia maitean
mundu zabalean
ezkila ari zian!
Oi, hori musika!
Jainkoa, zuk barka
eman naiz belaunka.
Ezkila, ar joka
itzul eta pika
jo zak, jo errepika!
Gerlaren hastean
egun apalean
jo huen intziretan.
Gerla finitzean
egun eder huntan
jo zak alegrantzian!
(…)
Egilea: Jean Barbier (1875-1931)Data: 28/06/1920