SOINUMAPA.NET » Seinale akustikoak

Bera – Agonia

inigo — Thu, 29 Dec 2011 19:37:19 +0000

Goizeko 8tan herriko ezkilak agonia jotzen ari dira. Modu horretan herritarrek jakiten dute herrian norbait zendu dela, eta gero okindegian galdetzen dute ia norengatik jo duten agonia. Bezperan jakin genuen Mikel Ugarte Hondarribiko laguna hil zela.

Hernani – Larrialdi sirenak

inigo — Thu, 15 Dec 2011 15:04:11 +0000

Hernaniko Zikuinaga poligonoan egindako grabaketa, Eusko Jaurlaritzak enpresa kimikoetan gerta litezkeen larrialdi kasuetarako antolatutako emerjentziazko egoera simulatua.
Grabaketa Electroquimica de Hernani enpresa dagoen poligono berean egin zen. Trafikoa, sirenak, kamioiak, faktorietako zaratak, txoriak…

Portugalete – Zorroztailea

admin — Sat, 10 Dec 2011 10:48:53 +0000

Betiko zorroztailearen soinua Portugaleteko kaleetan zehar.

Aretxabaleta – Larrinoko kanpaiak

inigo — Thu, 20 Oct 2011 15:40:53 +0000

Gipuzkoako Aratxabaleta herriko Larrino auzoan egindako grabaketa,
Arientzako kanpai jole eskolak antolatutako ‘Atxabaltan kanpaiek die!’ jardunaldietan. Grabaketa honetan joaldi koordinatuaren bukaera entzun dezakegu, Sarasua eta Zilardegi Aretxabaletako txalapartarien eskuz, besteek ezmoduan, kanpaia jotzeko eskuetan bina mailu zeuzkaten.

Aretxabaleta – Kanpai-joaldi koordinatua

inigo — Thu, 20 Oct 2011 15:33:16 +0000

uzkoako Aratxabaleta herriko Larrino auzoan egindako grabaketa,
‘Atxabaltan kanpaiek die!’ jardunaldietan. Areantza kanpai-jole eskolak proposatutako kanpai-joaldi koordinatuan hogei lagunetik gora zeuden Larrino, Areantza, Aozaratza, Goronaeta eta Mendiolako kanpandorretan banatuta: Batzuk kanpaiak jotzen ta beste batzuk altxaferoak jaurtitzen, hori dena koordinatzeko AIKE-ACRA, Arrasateko Irratizaleen laguntza izan zuten. Hogei minututako joaldiaren zati bat entzun dezakegu.

Errekalde – Kukutza

admin — Tue, 11 Oct 2011 07:54:35 +0000

Guretzat ohiko ez den modu batean, baina helburuak merezi duela sinetsirik, Kukutza gaztetxeko hustuketa bortitzaren kronikaren soinuak bildu ditugu grabaketa honetan.
Informazio gehiago: http://kukutza.blogspot.com/
Irudiak: http://www.youtube.com/watch?v=W6InPkrqIgQ

Aretxabaleta – Kanpai joaldia

inigo — Mon, 10 Oct 2011 22:51:23 +0000

Gipuzkoako Aretxabaleta herriko Areantza auzoan egindako grabaketa, Arientzako ezkil edo kanpai jole eskolak antolatutako Atxabaltan kanpaiek die! jardunaldietan. Madinabeitiarrek eskaini zuten joaldiaren zati bat entzun dezakegu.

Orio – Tren estazioa

admin — Thu, 29 Sep 2011 18:02:36 +0000

Orioko Euskotren trenbidearen geltokian egindako grabaketa. Bilboko norabidean doan trena abiatzear dagoenean, estazioaren beste aldean Donostiarako norabidean doana iristen da. Grabaketak, trenak bidaiariei ateak ixten direla abisatzeko erabiltzen dituen zeinu akustikoak ere erakusten ditu.

Zangotza – Ezkilak

admin — Mon, 26 Sep 2011 08:01:37 +0000

Nafarroako Zangotza herriko Santa Maria de la Real eliza erromaniko ezagunaren ezkil edo kanpaien grabaketa.

Eskoriatza – Barrakak

inigo — Fri, 23 Sep 2011 09:51:39 +0000

Eskoriatza (Gipuzkoa) herriko San Pedro bestetan egindako grabaketa. Zenbait barraka-makinen zaratak, musika ezberdinak eta ahotsak entzun ditzazkegu festetako barraka gunean.

Azpeitia – Lurrunezko Trena

admin — Sat, 17 Sep 2011 07:01:07 +0000

Udaro Azpeitiko Ferrokarrilaren euskal museoak antolatzen dituen baporezko edo lurrunezko trenaren txango batean egindako grabaketa. Urolako trenak Azpeitia eta Lasao arteko ibilbidea egiten du, noizean behin hain berezkoa duen txilibitua joz.

Azpeitia – Tren museoa

admin — Thu, 08 Sep 2011 08:11:22 +0000

Azpeitiko euskal trenbidearen museoan egindako grabaketa. Museoko gidari batek trenean erakustaldi bat egiten du, antzerkia bailitzan, trenaren historia kontatuz. Motorrik gabeko tranbia batean doaz denak, garai bateko kanpaitxoari emanez.

Burgi – Artaldea

inigo — Tue, 30 Aug 2011 10:51:03 +0000

Burgi (Nafarroa) herritik Izabara doan errepidean egindako grabaketa. Bardeetatik Pirineotara doan lau mila inguruko ardi artaldearen hotsa. Artaldeak artzai trashumanteen laguntzarekin Pirineotara igotzen da bazkatzera.

Oñati – Ezkilak

admin — Thu, 11 Aug 2011 08:00:13 +0000

Goierri eskualdeko Oñati herriko Unibertsitate etorbidearen inguruan egindako grabaketa. Larunbata eguerdian, dena lasai dago herrian, enarak joan etorrian dabiltza, autoren bat edo bertze ere bai, eta tabernaren baten atzekaldetik bezperako botilak ateratzen ari dira. Ezkilak, soilik ezkilak ez daude lasai.

Tutera – Ezkilak

admin — Mon, 25 Jul 2011 07:34:18 +0000

Nafarroako Tutera herriko erdialdean dagoen Gaztanbide karrikan, larunbata arratsalde batez egindako grabaketa. Jendea paseatzen dabilen bitartean, Foruen plazako elizako ezkilak entzun daitezke.

Arantzazu – Ezkilak

admin — Fri, 15 Jul 2011 07:23:19 +0000

Oñatiko herriaren inguruan kokatzen den Arantzazuko santutegiaren inguruetan egindako grabaketa. Ezkilek erromesaldi igande bateko ekitaldiak aitzintzen dituzte, meza nagusitik irtendako jendea solasean ari den bitartean. Zenbait mendizale, txirrindulari eta auto ere pasatzen dira Arantzazutik gora eta behera.

Arantzazu – Santutegian isilik

admin — Wed, 13 Jul 2011 17:00:51 +0000

Oñatiko herriaren inguruan kokatzen den Arantzazuko santutegian egindako grabaketa. Meza orduetatik kanpo bisitariak eta turistak sartu atera dabiltza, santutegiko isiltasuna hautsiz, ordu laurdenero kanpaidorreko ezkilek egiten duten bezala.

San Adrian – Ezkilak

admin — Tue, 05 Jul 2011 08:46:49 +0000

Nafarroako San Adrian herriko karrika nagusian egindako grabaketa. Autoak harat honatean dabiltzan bitartean, zikoinak, beleak, usoak eta bertzelako txoriak bere saltsan jarraitzen dute, eta hauen azpitik, urrunean mezara deitzen duen ezkil jotze luzea entzun daiteke.

Arteleku – Segurtasun Alarma

admin — Wed, 29 Jun 2011 07:52:45 +0000

Donostiako Arteleku arte garaikideko zentruan egindako grabaketa. Segurtasun alarma martxan jarri da eta etengabe jotzen du, arduraduna iritsi eta alarma geratu arte.

Bera – Ezkilak

inigo — Wed, 29 Jun 2011 06:59:37 +0000

Berako San Jose Zahar Etxearen ondoan egindako grabaketa, Corpus Christi eguneko prozesio egunean. Elizako ezkilek ez-ohiko joaldia egiten dute prozesioaren aitzakian. Urrunetik, herriko musika banda eta korala adi ditzazkegu Legia karrika zeharkatzerakoan. Ezkilak, kotxeak, musika, ahotsa, txoriak…