SOINUMAPA.NET » Gizartea

Asteasu – Tabernako leihotik

admin — Fri, 03 Feb 2012 09:52:29 +0000

Asteasuko herrigunean dagoen Iturriondo tabernako leihotik lanegun eguerdi batean egindako grabaketa.

Elgorriaga – Inauteriak

inigo — Thu, 02 Feb 2012 16:55:22 +0000

Elgorriagako inauterien egun nagusian, mozorro desfilean egindako grabaketa. Eskusoinua, altxaferoak, ahotsak, musika..

Usurbil – Ezti enkantea

admin — Sun, 22 Jan 2012 21:04:56 +0000

Usurbilen ospatzen den Erle eguneko 11. edizioan egindako grabaketa. Herriko pilotalekuan antolatzaileek ezti lehiaketaren irabazleen eztiak enkante bidez saltzen dituzte.

Bilbo – U7 manifestazioa

admin — Mon, 16 Jan 2012 15:09:42 +0000

Euskal Preso Politikoen eskubideen alde urtarrilaren 7an egindako manifestazioan grabatua.

Eraul – Pala

admin — Mon, 16 Jan 2012 15:00:28 +0000

Eraulgo herrian, igande goizez, heldu bat eta zenbait haur peloteoan ari dira frontoiko paretaren kontra.

Donostia – Haurrak jolasparkean

admin — Sun, 15 Jan 2012 08:45:55 +0000

Donostiako alde zaharreko abuztuaren 31ko kalearen eta San Telmo museoaren artean dagoen jolasparkean, minutu gutti batzuk lehenago museo beretik ateratako 25 bat haur jolasean ari dira. Haurrak elkar zirikatzen ari dira eta erritmikoki elkar oihukatzen. Aldiberean jolasparkeko jostailuen kateen zarata, kamioi baten bentilazioa, autoak urrunean… entzun daitezke.

Zerain – Garai bateko musikariak

admin — Thu, 05 Jan 2012 18:40:45 +0000

Zeraingo Joxe eta Tomax Alustiza anaiekin egindako elkarrizketatik hartua. Zerainera etortzen ziren zenbait musikariren inguruko kontu zaharrak gogoratzen dituzte grabaketa honetan: Eibartxiki (Elgeta), Goenaga anaiak, Lurdes Iriondo…

Elgorriaga – Urte berri

inigo — Mon, 02 Jan 2012 18:36:15 +0000

Urtero urtarrilaren 1an Elgorriaga herrian ospatzen den “Urte berri berri”aren grabaketa. Haurrak etxez etxe ibiltzen dira “Urte berri” kantuarekin eskean.

Bera – Diostesalve

inigo — Mon, 02 Jan 2012 18:32:25 +0000

Urtero urtezahar arratsaldean Berako Gure Txokoa elkarteak antolatzen duen “Diostesalve”aren grabaketa. Iluntzean, koplak kantatzen dira, urte zaharrari agur egiteko eta urte berriari ongietorria emateko. Agerrako plazan abestu zuten unean grabatuta.

Bera – Glin-Glan

inigo — Mon, 02 Jan 2012 18:27:49 +0000

Urtero urtezahar edo gabon-zahar eguneko arratsaldean Berako herrian ospatzen den “Glin-Glan”aren grabaketa. Haurrak auzoz auzo ibiltzen dira etxeko atarietan Glin-Glan kantuarekin eskean. Lehen fruitu lehorrak, gaztainak, frutak etab botatzen ziren leihoetatik, gaur egun berriz goxokiak eta litxarkeriak.

Eultz – Eguerdia

inigo — Mon, 02 Jan 2012 18:00:55 +0000

2012ko urtarrilaren 1ean Eultzen egindako grabaketa. Bizilagunak pixkanaka eguerdiko meza aditzera hurbiltzen dira. Elizan sartu baino lehen kontu kontari ari dira.

Urdiain – Ur Goiena

inigo — Mon, 02 Jan 2012 17:43:58 +0000

Urte berriaren etorrera kantuz ospatzen dute Urdiaindarrek. Gauerdiko ezkilak jotzeko minutu gutti falta direnean Herriko Etxeko atarira biltzen dira herritarrak eta kopla hauek kantatzen dituzte. Ondoren, atea jo eta barnera sartzen dira iturritik hartu berri duten ur berria eskaintzera. Pitxerra eskutan bi gazte sartu dira lehendabizi eta bertara etorri diren gainerako herritarrak ondotik. Herriko Etxe barnean apaiza eta zinegotzi batzuk dituzte esperoan, ur berria herritarren artean banatu eta urte berria zoriontzeko. Opila ere partitzen dute.
Aspaldiko usadio hau galtzeko punttuan izan zen diktadura garaian, baina Satrustegi euskaltzaina zenaren inguruan bildu omen zen herritar talde bat eta gaur den egunerarte iraun du Ur Goienaren ospakizunak. Halaxe kontatu digu Miguel herriko apaizak.
Grabaketa honetan kantuaren azken koplak aditzen ahal dira, aldabarekin atea nola jotzen duten gero, eta azkenik herritarrak algaraka nola sartzen diren Herriko Etxean.

Iruñea – Bideko Ama

inigo — Thu, 29 Dec 2011 19:50:00 +0000

Iruñeako Bideko Ama hospitalean grabatua. Jendearen solas apalak, makina soinuak, eta OPE pare bat (Objetu Pirritari Ezezaguna).

Eraso – Pilotan

inigo — Thu, 29 Dec 2011 19:20:20 +0000

Erasoko pilotaleku zaharrean egindako grabaketa. (Tenisko) Pilota harriaren kontra.

Bera – Olentzero 2011

inigo — Mon, 26 Dec 2011 13:36:51 +0000

Urtero abenduaren 24ean Berako Gure Txokoa elkarteak antolatzen duen Olentzeroaren grabaketa. Burga plazan abestu zuten unean grabatuta.

Senpere – Ilunabarrean

admin — Wed, 21 Dec 2011 23:07:30 +0000

Senpereko Larrungo izpiritua elizaren inguruan ilunabar euritsu batean egindako grabaketa. Herria buruz buru gurutzatzen duen errepidetik autoak pasatzen dira, euripean, ondoko etxeren batean musika talde baten entsaiatzen duen bitartean.

Portugalete – Zorroztailea

admin — Sat, 10 Dec 2011 10:48:53 +0000

Betiko zorroztailearen soinua Portugaleteko kaleetan zehar.

Ezkio – Aizkol apustua

inigo — Mon, 28 Nov 2011 13:38:12 +0000

Gipuzkoako Ezkio-Itsaso udalerriko Ezkio auzoan, San Migel egunean egindako grabaketa. Zaldua-Elorriaga eta Larrañaga-Ugarteburu aizkolarien arteko txapelketa entzun dezakegu grabaketa honetan. Larrañaga eta Ugarteburu suertatu ziren garaile. Aizkorakadak, megafonia, ahotsak, txaloak, oihuak, txistua…

Zarautz – Estropadak

admin — Fri, 25 Nov 2011 12:05:20 +0000

Arraun-jarraitzaile batzuk irrati bidez entzuten dute estropadetako erretransmisioa, pertsona batzuk irteeraren baliotasunari buruz eztabaidatzen ari diren bitartean. Megafoniatik txapelketa kontatzen ari da narratzailea.

Pasai San Pedro – Eguerdian

admin — Wed, 09 Nov 2011 08:41:18 +0000

Igande eguerdi batez Pasaiako badian, zehazki San Pedro kalea eta Torreatze kalea batzen dituen plazan egindako grabaketa. Eguraldi ona aprobetxatuz jende mordoa dabil kalean gora eta behera: batzuk irrati bidez futbola entzuten, kainaberarekin arrantzan, familiak paseatzen, bizikletan…